人如果冇夢想, 咁同條咸魚有咩分別

 

welcome for more version!!!

 

 

好耐無相影到滿意啦

 

今次多得上天幫助, 俾左一個好天氣我, 可以慢慢咁俾我影日落, 算係可以係三個月之後, 又post d 相出黎囉

 

地點 : 高雄

時間 : 由16:00 呆坐到19:00

 

但係小弟好明顯o既耳水不平衡, 搞到d 相會帶有好強烈o既右傾....唉.....

 

Anyway, 希望日日都係好天氣

 

小弟現時所拍最滿意o既相

 

當然, 要多謝模特兒咁甜美o既笑容

 

錫晒你 ^3^

好耐好耐無寫blog, 原因, 好多啦, 最根本係自己實在太懶啦

 

如果唔係因為借左友人的小白, 怕且都唔會有心機去影相加寫blog

 

小白用後感:

1. 太重 (話說小弟都間唔中會舉下鐵, 但係1kg 咁攞住影黎影去, 好很金 <-- 所以話去好金山掘金)

2. 太貴 (怕整污糟鏡頭, 換左一次, 之後都唔想換番自己枝135mm)

3. 太遠 (想影wide 多d 都唔得)4

4. 太白 (同小弟部機o既黑色完全唔襯)

 

結論

1. 太重, 唔o岩小弟攞上山影相, "咩" 多枝水好過

2. 太貴, 攞起手都心驚驚, 一句講晒, "don't buy expensive thing"

3. 太遠, 小弟比較貪心, 一張相都想影多d, wide 鏡o岩我多d

4. 太白, 話說佢叫小白, 而且真係得白色, 所以呢, 攞起黎d 色好怪

 

由於以上原因, 小弟可以慳番, 唔駛買小白囉, 當然

 

春春, 你買啦, 200mm + IS + USM + 2.8 + L, 影遠景影夜景影人玩埋偷影都包你得心應手, o岩晒你d 一流攝影師ga, 買啦, 萬幾蚊好q 抵ga

一片紅海, 望唔到盡頭

 

雖則點睇都無可能有150 萬人, 就feeling 黎講, 香港7-1 遊行仲會多d 人, 可能係台灣d 路太闊吧

 

天下圍公, 名改得好, 有氣勢, 亦有意思, 有高手搞事, 效果果然唔同, 所以政治運動, 邊個話一班人圍埋一齊就可以搞到事, 遊行都要遊得有聲有色, 咁先有睇頭ga ma

 

遊左半天, 最欣賞o既, 都係台北車站巷仔一間牛肉面, 好食埋單加冰豆漿115 蚊台幣, 抵

近來工作異常繁重, 平均每日睡眠時間五粒鐘, 有時仲要訓完三粒鐘再去開會, 之後再踩到夜晚四點幾.... 嗚呼.....

 

所以近來都無乜新post, and 亦無乜去練跑.....嗚呼嗚呼.....

 

試過有日訓左四粒鐘, 果晚見有d 時間去練跑, 結果跑左六公里, 就已經wing 下wing 下.... 差d 不醒人事... 嗚呼嗚呼嗚呼.....

 

不過我心裏面團火係唔會熄ga, 我決心一定會跑完ing 台北馬拉松, 雖然宜家體能唔係太好, 跑畢全程o既機會亦唔高, 但係我都會努力....努力努力努力....

 

oh.... 仲未報名添.... 聽日都係快d 寄左參加表格先囉....

 

仲有, 各兄弟們, 小弟一定會番黎跑渣打馬拉松42.195 公里, 大家請務必報42.195 公里

 

 

雖然天氣mama, 但買左部相機, 都忍唔住要出去練習

 

之前撘捷運見到捷運沿線可行路線不多, 但有一個名叫仙跡岩的古道可以一行, 係香港, 仙跡岩開到成行成巿, 有機會到台灣試試地道的仙跡岩, 影番兩張相, 就算係落雨影唔到外景, 坐係仙跡岩度o既仙跡岩, 都係一樣快事, 所以吃過午飯, 就獨自去左找尋仙跡岩之旅

 

其實都係靠記憶, 好似係新店附近, 所以唔知頭唔知跟, 就傻傻地坐捷運到左新店站 (朋友同我去旅行的話, 小心小心)

 

到左旅遊中心, 唔見有古道, 亦唔見有仙跡岩... 點算, 算啦, 都有其他地方可行, 就求求奇到左碧潭行左一圈, 天氣就係頗差, 行兩步就落一陣雨, 新機黎ga ma, 整濕左點算, 都唔係好影得相, 而且天黑黑, 唔係好識影...而且雨越落越大, 算啦, 都係撘番捷運走啦...

 

番到捷運, 見有地圖介紹, oh, 記憶慢慢番黎, 仙跡岩好似係個叫x 美o既地方, 一望, 有個叫景美站o既地方, 反正時間尚早, 而且無mood 番屋企開工, 去景美站睇睇, 最多都係side 下時間o者

 

到左景美, 一望地圖, yeah.. 無錯啦, 見到仙跡岩古道啦....

 

沿住地圖所指, 搵到入口, 地標所示, 點幾公里, yeah, no problem 啦, 起行....

 

行到一半, 又有地圖... e.... 幾時已經過左仙跡岩... 唔得, 黎到點都要影番張相, 行番轉頭先....

 

行番轉頭, 差唔多番到起點, 都係唔見.... 奇怪, 回頭再慢慢搵.....

 

天呀, 點解搵唔到呀, 地標已經指住話會搵到仙跡足印and 仙跡古廟... 兩樣都搵唔到

 

好啦, 我放棄啦, 都仲會有仙跡岩可以俾我坐低飲杯野掛....

 

行到end point, 一間飲野o既地方都無... 係咪我無慧根, or 無綠, 所以乜都搵唔到呢....

 

天色不早, 要回家啦....

 

 

 

因為星期五有野做o既關係, 所以尋日去唔到睇倒扁, 咁o岩今日挻扁果邊開始行動, 倒扁果邊又欲罷不能, 所以一個係總統府, 一個係台北車站, 各有各支持者, 各有各做show

 

反正本人對政治不感興趣, 而且台灣的事, 始終太遠, 正在謂事不關己, 己不勞心, 去唔去都無所謂..

 

但係今日要去西門町食飯, 而西門町又好近台北車站, 行過去望望, 可以當散步, 又可以順便湊熱鬧, 還好啦, 可以影下相添...

 

今日o既台北車站, 得番幾百人, 不過依然係情緒高漲, 不過就苦左我, 唔係點影到相, 始終都落住雨, 驚整濕部相機

 

影左幾張, 都係山山水水o岩我, 藍天白雲, 青山綠水先係我至愛, 紅紅綠綠, 太嘈太煩... 幾時先唔落雨, 等我可以行山影相呀....

 

 

雖然仲有好多野做, 不過都唔理啦, 去左打棒球, 台北最o岩小弟o既夜生活....

 

坐友人的車子, 坐左大半個小時, 到逹目的地, 不過已經係十一點囉....

 

打呀打呀打, 連打左二百球 (有一百九十九次係打唔到個波), 夠晒皮, 隻手又起水泡囉.. 走人

 

之後去左tea street 度, 不過條街奇奇怪怪咁.. 今日係ladies night 喎, 點解一個lady 都無... 失望失望

 

番到屋企, 已經係夜深, 開埋機, 更加係兩點半, 死啦, 好很多野未做ar....點算呀.... 救命呀..... 仆街啦......

 

差唔多要訓啦, 打波d 相同tea street d 相, 都係聽日先post 啦

 

 

太耐無跑, 因為台北ING 馬拉松, 今日開始要的起肝練跑

 

開始唔好太長, 五公里先啦, 跑番一個月, 先開慢慢練十公里, 再下個月就十五公里... 到十二月, 希望可以五個鐘跑得晒四十二公里啦

 

天氣開始涼, 夜mama 十一點落街跑, 正

 

有興趣者, 大家都一齊黎台北一齊跑啦

 

有新玩具啦, 不過係香港用都未用, 就已經黎左台灣lu~~~~

 

香港d 山山水水, 記住等我番黎影呀....

 

不過台灣都好多野影, 希望黎緊d 星期六日可以抽到時間影啦, 同埋會有時間update 個blog 同d 相啦

 

and, 邊個話我間房無女仔相....

 

 

去左台灣已經兩個禮拜, 開始習慣台灣o既生活, 係時候可以四圍走走啦.....

 

之前一直都聽人講係台北的話, 一定要去淡水走走, 而由台北撘捷運, 需時都係一個鐘左右, 今日反正有空, 而且又買左捷運o既儲值飛, 就去淡水睇睇啦

 

十二點起左身...一直等另外同事起身..... 點知.... 一睡不起, 反正佢都去過淡水好多次, 就自己去啦

 

已經兩點, 行到去捷運站, 已經兩點三啦.....

 

由中山國中站出發, 中間轉左去東孝敦化, and 再去左台北車站 (車站名), 再直飛淡水, 落車果陣, 已經係三點三lu... 一個鐘頭車程, 只見都係小朋友and 一家大細..... 悶.....

 

出左站, 唔係好識路, 睇左地圖, 認清方向, 就沿左中山路行行行~~~~

 

中間行左好多間小食店..... 去左漁人碼頭番黎先食啦....

 

行呀行呀, 地圖好近咋bo.... 路牌都指o岩方向... 但係行極都未到o既.....

 

行左將近一個鐘, 終於見到條橋啦, 係啦, 就係情人橋啦....

 

見到條橋全相... 好失望, 乜咁短ga 咋... 無乜特別喎, 好熱呀, 天文台話有32 度, 不如走ba la....

 

算啦, 起碼都行過條橋走一走先啦....其實唔理條橋大細, design 都唔錯, 上到橋最端端, 好大風, 雖然天氣係咁熱, 但風係涼o既, 好舒服, 唔怪得好多一家大細o既人都坐係橋o既對面抖涼啦....

 

見到有大大件雞排, 雖然唔係士林o既雞排, 但都可以一試喎.... 買左一件, 50 蚊, 味道都唔錯呀, 大大件, 食到飽啦~~~~

 

食飽之後, 開始鍾意淡水漁人碼頭le 個地方, 陽光照到個人熱熱o既, 但風吹得我個身涼涼o既, 搵個陰涼o既位坐低, 己經唔係好想走, 望住個日頭開始沉落黎, 天空又萬里無雲, 望住o既又係一望無際o既大海, 如果係度睇日落, 一定好正.... 反正都係等一個鐘, 而且又咁舒服, 一個鐘唔算耐... 等~~~

 

時間好快就過左.... 而個太陽就刺眼, 變成一個咸蛋黃, 雲亦由原來o既白雲, 變到紅紅紫紫, 層次分明, 天空間中唔係一隻海鳥飛過, 就係小小o既飛機x 破長空.... 吹不停由海o既方向吹黎, 慢慢o既, 已經想太陽唔好咁早落山(其實係落海)....

 

天空o既雲突然間厚左, 當個太陽離個海面差唔多一個手指頭o既位, 已經俾厚厚o既雲遮左, 而月亮已經靜靜雞係個後邊升左上黎, 差唔多係時候離開啦....

 

買左張40 蚊o既船飛, 番番去淡水老街, 當船準備駛出碼頭, 一個大浪打埋黎, 即刻濕鬼晒....

 

番到老街, 已經係七點四, 街度已經係人山人海, 台灣o既夜巿係特別o既熱鬧.....

 

一路上, 買左個臭豆腐, 好好食, 特別係d 汁, 好味到呢....., 不過豆腐就唔夠臭...

 

再黎就買左個一口腸仔, 味道都ok, 而且口感唔錯...

 

之後再買多串花枝丸, 味道普普通通... 順便買左杯冬瓜茶, 天時暑熱飲一杯, 正爆.....

 

行多三步, 已經係捷運站, 咁就完左個今日淡水行程, 下個星禮正計劃去九份.... 希望唔駛ot 啦..

 

p.s: 由於小弟無帶相機,  雖則用左手機影左d 相, 效果都唔係太好, and 無card reader, 未可以up d 相上黎... 黎緊小弟都係要加油, 買部相機影番d 靚相上黎啦.....

好耐都無行過山la, 腳仔好痕, 見咁耐都無去行蚺蛇尖, 又見佢上排又俾差佬哥哥放火燒左, 所以都係時候上山頂望望....

 

由於山路難行, 要結伴同遊, 當然要有所準備, 現廣邀各好友黎個蚺蛇觀日團, 等我地再係山頂度再次唱歌跳舞, yeah~~~~

 

三步曲第一步

 

試行釣魚翁, 西貢 (亦係香港) 三尖之一

日期: 六月十八日, 星期日

時間: 下晝兩點度啦

行程:

兩點半出發

三點半左右到逹釣魚翁尖尖腳, 有興趣人士可直上尖頂, 路人甲乙丙可再前行到樹林稍作休息

四點三到逹尖頂, 並影相留念

四點半返回樹林跟其他團友會合

四點九繼續出發, 向清水灣半島出發

六點半到逹半島, 稍作休息並欣賞西貢日落

七點到逹小巴站

 

最後, 最好就係布袋澳食埋海鮮先番屋企

 

如有興趣人士, 請reply 啦

 

 

之後

第二步曲: 試行蚺蛇尖

第三步曲: 月圓之夜夜行蚺蛇尖

 

真係精彩活動, 陸續有黎, 大家記住參加, 同埋帶多d 朋友仔黎啦

 

ps.

1. 由於山路易行,釣魚翁絶對適合一家大細, 不論男女老少, 高矮肥瘦, 一d 都無問題, 唯如天氣炎熱, 全程山路無樹無草, 夏天只宜後生男女參加, 切忌帶同年過三十朋友參加

2. 由於無樹無草, 另沿路無士多無水源, 宜多帶水

3. 健行者可一同上尖頂, 如有行山鞋者, 請記緊著行山鞋(特別係肥人)

4. 布袋澳海鮮遠近馳名, 大家不妨一試

5. 另隔黎有個觀音x, 據聞好靈, 有興趣人士, 如生活工作愛情朋友家庭前途金錢健康是但一樣有問題, 可到觀音x 求神問卜, 自古有話: "求得神多自有神祕祐"

 

 

咩係3G? 我o既答案係, 其實係d 電訊公司為左呃多d 錢而o既service

 

3G自問 對小弟真係無乜用, 亦見唔到有乜好處& 用處, 現家就算身邊有好多朋友有3G 電話, 自己亦都唔需要理會3G 甚麼甚麼o既收費, 但因為反正我就用唔著, 所以除左一兩次試電話之外, 一直都唔會做video call

 

而對我黎講 3G 係等於多舊魚

 

星期六唔需要返工o既日子, 心情好自在, 閒來無事, 對身邊o既事物都會比較留意

撘地鐵o既時候, 眼望坐係我對面o既中年男子, 對住個電話指手劃腳..... 無事ar ma...

望耐d, 唔係痴線佬, 而係佢做緊手語 (應該係掛)

 

電話梗係用口講, le 個對我黎講係真理, 但原來, 我一直都無留意, 對其他人黎講, 佢地好想打電話同老婆講好掛住佢, 同朋友講要放飛機, 同阿媽講遲d 番黎飲湯, 但係就算我俾幾千幾萬分鐘, 佢地都用唔著... 因為, 對方可能係聽唔見, 又或者, 佢自己根本就講唔到

 

今日, 對面o既人好開心咁係o既車度指手劃腳, 終於可以同其他人一樣, 分享到打電話o既樂趣

 

係果一刻, 我都好想指手劃腳.....

 

 

好唔容易, 咁又一個月

 

同一時間攞住三部電話試三個services播三段movies, 搞黎搞去, 無非要demo 到同一時間點樣可以click 到三段movies 另到三段movies 同一時間play 到, 爭兩秒就話compare 唔到三段movies 有咩分別, 再set 過

 

結果係點? 110kbps 同118 kbps 係電話見唔見到有咩分別呢? 我睇唔到, 我老細話好大difference...

 

因為咁, 玩電話都玩左半日....

 

都係行山好~~~yeah~~~~

 

黎緊26 號, 10 至11 個鐘張途之旅, 七點半大埔不見不散, 好期待

 

 

又黎睇睇有冇野計漏, 漏左話我聽....

 

目的地 : 西貢最東之長咀(話時話, 西貢點解會有個西字, 明明佢係香港東邊, 有研究香港地名者請reply)

目的 : wild camp + 影星 + 睇日出 + 打邊爐 + 煮早餐 + 煲糖水 + 訓教 + 吹水 + xxxx

人數 : 廿個以上(就無計)

行程: night / wild camp

廿一號

三點半 : 西貢百佳

四點半 : 撘車

五點半 : 起行

七點半 : 到咸田

八點 : 紮完營

八點半 : 燒野食/打邊爐 (強烈支持燒野食, 最好有埋扇貝)

十點半 : 長咀人士, 可休息片刻, 早到人士繼續自由

十二點半: 遲來人士地達, 影相o既影相, 吹水o既吹水, 聽歌o既聽歌

兩點半 : 煲糖水 (有乜好提議)

三點半 : 出發長咀, 另有人看守大本營

六點 : 長咀人到長咀, 本營人守本營

七點 : 日出

八點半 : 長咀人番到大本營, 已經見到有人好好心咁預備左早餐, 好感動呀 

九點半 : 起營走人

 

已知會帶 :

1. 兩個gas 爐, 亦好懷念肥道老邊爐 (好似帶左好d 喎)

2. gas 燈, 巴士先生亦會提供燈一個

3. 長電筒一枝 (依然係for 打狗only)

4. 打火機

5. 小被一塊

6. 煲一個

7. 係咪想煎蛋, 係o既話要搵人帶油, 鏟, 蛋 and pan

 

會買 :

1. gas 七枝 (一枝for 我gas 橙, 三枝for 邊爐, 兩枝for 早餐, 一枝for reserve)

2. 炭兩包 (其實都係要黎搞下氣氛, 次次d 人都唔鬼食野)

3. 食物

4. 餐具

5. 水, 兩枝夠 (only for 邊爐, 煻水and 早餐)

6. 糖水料 (快d 俾意見我la)

7. 有乜漏請落comment

 

 

為左黎緊廿一號長咀日出之旅, 今日又約左友人試行長咀, 睇地圖好地地, 一行~~~, 原來都唔少野~~

當初以為o既bb 班, 宜家已經升左level, 去左幼稚園中班, 想行o既人諗諗佢la, 中班要俾多d 學費ga

 

經過友人精心計算, 我地俾左三粒星鳳徑, 而長咀有四粒, total 係五粒, 上次行過鳳徑o既, 俾多個機會你諗諗啦

 

不過去到長咀篤, 西貢最東, 雖然好大風同埋好凍, 不過一望無際o既太平洋, 另人好期待咸蛋黃o係水平線升上黎果一刻, 強烈希望21 號晚and 22 號朝早好天, 有晴天公仔記住幫我掛番幾個

 

今次行程唔多講, 詳情已經寫左係友人的blog

 

ps:

1. 有行山鞋唔著係要著平底鞋o既, 同有錢買鞋但係唔買隻行山鞋而pk o既人, 都一樣咁抵死

2. 咸田灣多左好多狗, 怕怕

3. 揮春有張滑浪相好型, 我都好想玩浪

4. 長咀分叉路多and 碎石路and 小斜and 路narrow and 勁大風, 有志蚺蛇尖night walk 人士, 可當熱身

 

講番黎緊廿一號

wild camp + night walk

wild camp -

星期六下晝

一點: 西貢起行

兩點:到逹北潭凹

四點:到逹大灘

五點:起營+影相+游水+滑浪+放風箏+踩單車+訓晏教+玩沙+..... (你喜la)

七點:集體活動(唔知點集體and 唔知有咩活動, 到時再算)

八點:燒野食/打邊爐 (強烈支持燒野食, 最好有埋扇貝)

十點:自由活動(長咀人士, 可休息片刻), 另有人會出北潭凹接遲來人士

十二點:遲來人士起行, 早到人士繼續自由(強烈建議鬼屋半晚遊, and 希望間屋仲係度la......)

兩點:遲來人士到逹, 開始煲糖水

三點:食完洗野, 講解路線

 

night walk -

四點:長咀人出發長咀

六點:到逹長咀, 呆等一個鐘(兩個鐘係日頭行程, 夜晚會慢少少, and 要睇下有冇人pk la)

七點:日出+回程(請務必帶風褸+保暖衣物+頭燈+暖水壼)

九點:回營地集合

 

wild camp -

四點:non-長咀人繼續吹水+訓教+睇星+影相+聽歌+唱歌

七點:日出+煮早餐 (好心的話, 幫手煮埋長咀人果份la, 咁就感激不盡)

九點:迎接長咀遠征隊回歸

 

十點:起營走人

十二點:北潭凹

一點:西貢

 

暫時話會到人士:

1. 肥鵬

2. 肥道

3. 揮春

4. rachel

5. tony

6. 肥峰

7. 楊仔

8. jeffery

9. 菁菁

10. 肥峰友人

11. cat 姐

12. daisy

 

各有心人, 請落comment, 好等小弟可以預tent and cook set and 食物, 同埋通知小弟wild camp 定係night walk, comment example如下

 

*****************************************

肥鵬 (一個人):

wild camp + 長咀

生死狀 -碌落山與人無由

*****************************************

 

另各有心放飛機人士, 亦請早d 通知小弟, 好等小弟周圍唱佢放飛機, 同埋將此人放落blacklist 名冊

 

 

喂喂喂, 各msn 友好, 黎緊廿一號又行山睇日出啦, 今次地點係西貢長咀, 難度係bb 班, 即係無乜難度, 有興趣人士請覆

 

日頭好靚

 

日出更靚